Цената на зелениот картон за возилата ќе поевтини. Според МК Фондови, Владата најавила намалување на цената на зелениот картон, кој во моментов е најскап на Балканот. Од Министерството за финансии, засега велат дека биле целосно фокусирани за намалување на акцизите и царините на возилата и за зелениот картон немале информации.
Осигурителните компании кои првично беа против поевтинувањето, сега попуштаат. Не се исклучува и можноста оваа цена да влезе во вкупната полиса при осигурување на возилата.
Во моментов кај нас се плаќа најскапо за зелен картон. Месечно цената на картонот изнесува околу 2.500 денари, за 3 месеци 3.700, за 6 месеци 5.500, а за цела година 9.760 денари. Зелениот картон се укина секаде, освен во Албанија.
OhridNews
