Во текот на вчерашнот ден верноста кон клубот ја потврдија браќата Стојаноски, поптишивајќи ги новите договори.
– Преговараме со сите играчи кои го носеа нашиот дрес. Кој од нив ќе остане, останува да видиме. Бековските позиции ги осигуравме со потпишувањето на браќата Дамјан и Војдан Стојаноски како и Влатко Неделков – ни изјави потпреседателот на клубот Кристијан Шапкар. Исто така го задржавме и најдбориот стрелец минатата сезона во првенството Џарид Фрај.
Остануваат во Охрид – браќата Стојаноски
– Задоволни сме од минатогодишната соработка и кај нас не постоеше никаква дилема околку продложување на договорот – велат браќата кои вчера одработија еден тренинг во ’Билјанини“ по што ставија потпис на новиот договор.
Охриѓани се во преговори со тандемот Кралевски и Блажевски кои го напуштија Вардар, па лесно може да се случи Охрид да биде нивна наредна дестинација. Се уште останува отворено и тренерското прашање кое ќе се реши деновиве.
Од клубот најавуваат и формирање на кошаркаска школа за играчи до 20 годиниа која во наредната сезона ќе се натпреварува во новоформираната младинска лига.
