Еден од главните проблеми со кои се соочува општина Охрид , градот Охрид , а особено стариот дел од Градот е зголемено ниво на бучава. Илјадниците гости, зголемената фрекфенција на возила, забавните и рекреативните активности кои ги нуди градот и угостителските објекти, генерираат ниво на бучава која претставува сериозна закана за животната средина и здравјето на луѓето.
За Општина Охрид , која претендира да развива интензивен туризам и која интегрира простори ставени под строг режим на заштита (Охридското Езеро, дел од Националниот Парк Галичица), императив е надминување на проблемите поврзани со зголеменото ниво на бучава, велат од локалната самоуправа.
За таа цел се пристапи кон изработка на Акционен план и програма за управување со бучавата во општина Охрид. Предлог планот ќе биде достапен на увид на јавноста секој работен ден од 08 до 16 часот во Сектор за урбанизам и заштита на животната средина во зградата на општината, заклучно со 21 01. 2011г., а јавната расправа по истиот план ќе се одржи на 25.01.2011г. во 11часот во малата сала на Општина Охрид.
Заинтересираните Предлог акциониот план за справување со бучавата во Охрид можат да го погледна и on-line, на следниов линк.
