Со специјален лет од Хрватска, на охридскиот аеродром треба да пристигне опремата на сплитската компанија „Дубина“ која тќе го извлекува потонатиот брод „Илинден“ од водите на Охридското Езеро. Според непотврдени најави опремата треба да пристигне во текот на денешниот ден, а доколку временските услови бидат поволни, постои можност извлекувањето да започне уште утре.
Изввлекувањето на „Илинден“ ќе се врши со воздушни балони со цел да не
дојде до оштетување на потонатиот брод. Тоа е особено важно поради
вештачењето што треба да се изврши откако „Илинден“ ќе биде извлечен на
копно. Вештачењето треба да и помогне на истрагата во утврдувањето на
причините за големата несреќа.
Бродот „Илинден“ потона во водите на Охридското Езеро на 5-ти септември при што се удавија петнаесет бугарски туристи.
Ohridnews
