СДСМ Охрид реагира за прекумерното градење во Охрид. Се повикуваат на изјавата на градоначалникот на Општина Охрид Кирил Пецаков во која посочува дека под контрола е ставено урбанистичкото планирање. Но, велат, народот е сведок на нешто сосема поинаку.
Градоначалникот Пецаков со став дека партијатата која реагира за свои лични интереси и интересите на нивните бизнис партнери штанцала урбанистички планови по нарачка.
Ставање ред во урбанистичко планирање значи сосема спротивното од она што вие го работевте, односно престанок со штанцање на урбанистички планови со кои го девастиравте Охрид. За сликата да биде појасна и целосна, треба да сте доблесни, како што не сте, да излезете пред граѓаните и да си признаете дека сите локации каде во моментов се гради, се дел од урбанистичките планови кои вашите раководства на Општина Охрид, ги изработиле и одобриле. Исто така граѓаните треба да знаат дека од моето доаѓање на местото градоначалник до овој момент се донесени само два урбанистички планови од кои еден се однесува на индустриска зона Лескоец, додава Пецаков.
Н.С.Ј.
