На седницата на Извршниот и Централниот комитет на ВМРО-ДПМНЕ, што е во тек, утврдени се кандидатските листи за пратеници на партијата за претстојните избори.
Во 5 Изборна единица од Охрид има тројца кандидати во првите десет.
Актуелниот претседавач на Советот на Општина Охрид и претседател на ОК ВМРО ДПМНЕ- Охрид, Сашо Донев, е на 3 место, Лидија Петковска која е пратеничка во актуелниот мандат на Собранието е на позицијата 6, додека Грација Бакраческа која исто така е пратеничка, ќе биде на позицијата 10.
Листата на ВМРО ДПМНЕ во 5 ИЕ ја предводи Ѓорѓија Сајкоски. Лидерот Христијан Мицкоски ќе трча во 1 ИЕ, листата во 2-ка ја предводи Владо Мисајловски, во 3-ка Драган Ковачки, прв на листата во 4-ка е Александар Николоски, а во 6-ка Дафина Стојаноска.
Парламентарните избори во земјава ќе се одржат на 8 мај.
Г.М
