На иницијатива на Социјалдемократската младина од Охрид, денеска беше потпишана декларација помеѓу подмладоците на политичките партии за фер и демократски избори.
– Пред Република Македонија стои најважниот чекор за дефинираење на нашата иднина на патот кон евроатлантските интеграции, а тој чекор се претстојните претседателски и локални избори, изјави потпретседателот на младите на СДСМ – Охрид, Васко Паскали. Тој додаде дека плакатите за промоција на кандидатот за градоначалник од оваа партија, Александар Петрески, ќе бидат поставени на соодветните локации назначени од општината и како што рече, со задолжителна почит на другите кандидати.
Само три подмладоци на партиите се обврзаа на фер кампања во Охрид
Декларацијата ја потпишаа само младинските организации на три политички партии, иницијаторот СДСМ, ВМРО НП и ДУИ. Трите организации со Декларацијата презедоа обврска дека ќе ги почитуваат одредбите од изборниот законик во поглед на поставување, лепење плакати рекламен материјал на местата одредени од страна на ОИК.
Ohridnews
