Ниту свештените лица не се имуни на модерниот начин на живот. Покрај Библијата, Куранот и другите свети книги важна алатка им е и интернетот. Така беше и на штотуку завршената Втора конференција за меѓурелигиски и меѓуцивилизациски дијалог што се одржа во Охрид. Свештените лица знаеја да дојдат во прес центарот за да проверат електронска пошта или да прочитаат одредена информација.
Инаку Охридската конференција ја проследија повеќе од сто новинари кои реализираа бројни интервјуа и преноси. Информациите за Втората меѓурелигиска и меѓуцивилизациска конференција ги пренесоа и светските агенции како Франс-прес, Асошиејтед-прес, кинеската Ксинхуан, Дојче Веле, BBC, VOA, TRT, HRTV, Грузиската национална телевизија и бројни домашни медиуми.
Конференцискиот прес центар
OhridNews
