Руската Амбасада во Бугарија на својата Фејсбук страница објави повик за „помош на војската вклучена во специјалната операција за заштита на таканаречените Доњецк и Луганска народна република, додека Москва ја претставува својата инвазија врз Украина“.
Како што јави дописникот на МИА од Софија, специјално за оваа намена во добротворната фондација е формиран добротворен фонд „Заштита“, што има за цел да обезбеди сеопфатна помош и да обезбеди дополнителни мерки за социјална поддршка на војската и нивните семејства.
Парите се собираат од доброволни донации од физички и правни лица.
Соопштението на руската Амбасада во Софија се претставува како изговор за бројните барања од граѓаните до Министерството за одбрана на Руската Федерација. Специјално за оваа намена се отворени сметки во Promsvyazbank, VTB и Sberbank. Првите две банки се целосно исклучени од системот за плаќање на банката SWIFT, додека за VTB (Руската надворешна трговска банка) е делумно.
Се уште нема реакција од бугарските власти, но граѓаните и јавноста ја осудија оваа последна провокација на руската Амбасада во Софија.
OhridNews
