Русија е подготвена да обезбеди хуманитарен коридор за бродовите кои превезуваат храна од Украина, изјави денеска рускиот заменик министер за надворешни работи Андреј Руденко, пренесен од руските медиуми.
Русија, додаде Руденко, ќе размисли и за размена на затвореници со Украина, откако ќе ги осуди некои од оние кои се предале на руските сили.
Британските медиуми пренесуваат дека руските власти и властите на самопрогласените ДНР и ЛНР наведуваат дека на некои од украинските борци кои се предале треба да им се суди за воени злосторства.
Руденко кажа и дека е рано за евентуално формирање на руска воена база во областа Херсон, која сега е под контрола на руските сили.
OhridNews
