Републичкиот совет за безбедност на сообраќајот на патиштата (РСБСП) испраќа апел за внимателно и одговорно учество во сообраќајот за време на празникот на љубовта и виното.
Празниците се одличен момент за споделување на радост и спомени со блиските и саканите. Но, за тие да бидат полни со љубов, потребно е совесно и одговорно учество во сообраќајот, велат од РСБСП.
Советуваат доколку се пие алкохол да не се управува со моторно возило и да се користи јавен превоз, да се вози со внимание и грижа за безбедноста на сите учесници во сообраќајот и да се почитуваат сообраќајните правила и прописи.
Почитувајте го животот – животот е еден! Ако го прославувате Св. Валентин – опијте се од љубов, а ако наздравувате за Св. Трифун – покажете одговорност. Честит празник на љубовта и виното, возете одговорно!, додаваат од РСБСП.
OhridNews
