Манчестер јунајтед и португалскиот репрезентативец Кристијано Роналдо спогодбено ставија крај на соработката, соопшти вечерва англискиот фудбалски прволигаш.
Клубот сака да му заблагодари на Роналдо за придонесот за време на двата негови ангажмани на „Олд Трафорд“. Постигна 145 голови на 346 натпревари. Нему и на неговото семејство им посакуваме сè најдобро во иднина, соопшти Манчестер јунајтед.
Cristiano Ronaldo is to leave Manchester United by mutual agreement, with immediate effect.
The club thanks him for his immense contribution across two spells at Old Trafford.#MUFC
— Manchester United (@ManUtd) November 22, 2022
Сите во Манчестер јунајтед се фокусирани на работата со тренерот Ерик тен Хаг за да постигнеме најдобри можни резултати на теренот, се додава во краткото клупско соопштение.
Двете страни се разидоа по контроверзното интервју на Роналдо за TalkTv претходно овој месец, во кое 37-годишниот Португалец изнесе бројни навреди кон клубот и тренерот Тен Хаг.
Веста дека веќе не е член на клубот за кој настапуваше од 2003 до 2009 година, а се врати во август лани, Роналдо ја дочека во Катар каде в четврток со репрезентацијата на Португалија го очекува премиерниот натпревар на Мундијалот против Гана.
OhridNews
