Рокот за откуп на дворно земјиште не се пролонгира

Владата нема намера да го пролонгира рокот за откуп на дворно земјиште, кој истекува на 27 јануари, ниту пак по истекот на тој рок да овозможи откуп на земјиште по повисока цена, изјави  вицепремиерот и министер за финансии Зоран Ставрески, пренесува „Макфакс“.
 
Ставрески посочи дека цената за откуп на дворно земјиште коешто е во сопственост на државата до 27 јануари изнесува едно евро по квадратен метар, по што ќе и се плаќа закуп на државата за користење на дворното земјиште, коешто нема да биде купено.
 
„Закупот го утврдува Министерството за транспорт и врски според тарифник, којшто евентуално владата може да го разгледува, дали ќе го промени или не, но засега цената на закупот ќе се утврдува според постоечкиот правилник“, изјави Ставрески.