Претседателот на Белгиска фудбалска асоцијација, Питер Босарт, изрази поддршка за селекторот на репрезентацијата, Роберто Мартинез.
Започнуваме да се подготвуваме за есенските натпревари. Роберто Мартинез е со нас. Нема да има официјално соопштение, но нема причина да се смени стручниот штаб. Исто така, немам чувство дека Мартинез ќе поднесе оставка. Нема да има одделно оценување затоа што нашата федерација, како и секоја фирма што добро функционира, има култура на континуирано оценување, рече Босарт.
На Евро 2020, Белгијците беа елиминирани во четвртфиналната фаза, губејќи од Италија (1:2).
Белгија под водство на Мартинез е прва на ФИФА ранг-листата.
- Патрик Виера нов тренер на Кристал Палас
По пауза од 16 години, Патрик Виера се врати во Премиер лигата како нов тренер на лондонски Кристал Палас, градскиот ривал на Арсенал со кој Французинот како фудбалер освои седум трофеи во периодот од 1996 до 2005 година.
Виера (45) потпиша тригодишен договор со Кристал Палас и на тренерското место ќе го наследи 73-годишниот Рој Хоџсон, кој четири години го водеше премиерлигашот од јужен Лондон.
Од јуни 2018 година до декември лани Виера седеше на клупата на францускиот прволигаш Ница.
Виера пред да ја почне тренерската кариера освои три шампионски титули и четири трофеи во англискиот ФА куп со Арсенал, додека со француската репрезентација беше светски првак во 1998, а ја освои и европската титула две години подоцна.
OhridNews
