Христина Ристеска и Кристијан Ефремов ќе бидат македонските атлетичари што ќе нѐ претставуваат на претстојните Олимписки игри во Лондон во трките на 400 метри, на покана од ИААФ и од Интернационалниот олимписки комитет (ИОК).
Ова е одлуката на извршниот одбор на Атлетската федерација на Македонија (АФМ) донесена на последната седница на која беше повлечен првичниот предлог во Лондон да трча Ивана Рожман во трката на 100 метри.
Против настапот на Рожман беше Македонскиот олимписки комитет (МОК), со образложение дека таа на минатите ЛОИ во Пекинг 2008 веќе се натпреварувала со вајлд-карта.
Последниот рок за пријавување на нашите атлетичари за настап на ОИ е недела, 8 јули.
Ohridnews
