Ријана веќе неколку недели одмара на својата луксузна јахта, која крстари по Медитеранот. Нејзината најнова дестинација беше Франција, каде што направила журка за своите пријатели. Но, поради тоа што од јахтата доаѓала премногу гласна музика, полицијата морала да интервенира, а полицајците на крајот се придружиле на забавата.
Двајца полицајци на скутери, се доближале до јахтата на Ријана, и ја замолиле да ја намали музиката. Наместо да се кара со нив, пејачката веднаш го сторила тоа што било побарано и ги понудила со пијалак. Полицајците ја прифатиле поканата, па се придружиле на забавата на која присуствувале неколку ѕвезди кои биле пријатели со познатата пејачка.
