Откако ги оставиле своите посилни половини, Ријана и Лима се повеќе време минуваат заедно уживајќи во ноќните излегувања. Овие денови во Холивуд, се зацврстува едно несекојдневно пријателство. Бразилскиот супермодел Адриана Лима и поп пејачката Ријана станаа „неразделни“ пријателки. Видени се пред неколку дена како рака под рака напуштаат еден ресторан за јапонска храна во Лос Анџелес во добро расположение.
Лима не го пропуштила ниту почетокот на заедничката турнеја на Ријана и Еминем, па се појавила на нивниот концерт во Пасадена. Се запознале на ревија на Викторија Сикрет во 2011 година, а своето пријателство дополнително го зацврстиле на Мундијалот каде биле фотографирани како заедно ги бодрат своите тимови.
