Има ли јунак кој ќе ја затресе противничката мрежа во Охрид. Охридскиот второлигаш го загуби петтиот натпревар во серија на домашен терен, четврти во пролетната полусезона со идентични 0-1. Како маѓепсана е мрежата на гостите за охриѓани кои по серијата неуспеси паднаа во опасната зона.Охриѓани по одиграните 22 кола имаат постигнато 24 гола што доаѓа просечно по еден во натпревар. Во есенскиот дел од првенстовото “белите“ ги красеше напаѓачкиот фудбал, кога по десет одиграни кола го имаа најдобриот стрелец во лигата Клечкароски со 10 постигнати гола. По заминувањето на Клечкароски во Шкендија, охриѓани само пет пати успеаа да ја погодат противничката мрежа. Ниту пак Клечкароски не се прослави по заминувањето од Охрид. По одиграните десет кола стружанецот постигна само еден погодок.
Охриѓани амбициозно настпапија на стартот на сезоната, па и на полусезоната ,но сепак на крајот од годината реалноста е во расчекор со желбите.
М.П.
