Навивачката група „Рибари“ и управата на Ракометниот клуб Охрид остварија средба и ги надминаа проблемите и на следниот натпревар навивачите ќе се вратат на трибините.
Причина поради која „Рибарите“ не беа дел од мечот со Радовиш во плејаут лигата било непатувањето на гостувањето против Преспа во Ресен.
– На денешната средба со претставниците на управата на Р.К. ОХРИД и претставници на навивачката група РИБАРИ беше разговарано за проблемите и незадоволството на нашата група. На истата средба ги добивме причините за кои не отпатувавме на средбата со Р.К. Преспа во Ресен,за кои голема кривица има и во ресенчани и во нивниот клуб кој по секоја цена барал нашата навивачка група да не отпатува во Ресен, за кое се надеваме дека ке си ги сносат последиците. Со претставниците на управата имавме коректен и многу конструктивен разговор и „пеглање“ на некои ставови кои ги гледавме на различен начин. Во иднина се надеваме дека ќе имаме една добра комуникација и фер однос. Благодарни сме што експресно овозможија состанок кој ние го побаравме. РИБАРИ се враќаат на трибина каде треба да бидат, уште посилни, побројни и со најава за голем спектакл и прослава заедно со клубот. Со почит РИБАРИ – ОХРИД ’89 – стои во соопштението на охридските навивачи.
Мх.П.
