Последната рунда од второлигашката конкуренција ја носи градската дерби пресметка меѓу поголемиот и помалиот брат Охрид и Охрид Лоте. Оптимистички расположени се двата табора, кои најавуваат игра на победа. Малку недостигаше мечот на СРЦ Атина Бојаџи да биде или не за двата охридски тима.


Како во моментов стојат работите , “градежниците“ влегуваат релаксирано во мечот, додека фаворизираниот тим на “рибарите“ ќе мора да остане непоразен доколку сака в година да биде дел од елитата.

– Без оптеретување влегуваме во мечот, по обезбедениот опстанок, на мечот со Охрид ќе покажеме дека местото на табелата воопшто не коренспондира со нашиот квалитет и сакаме да се реваншираме за поразот во првиот дел од шампионатот – коментираат фудбалерите на Охрид Лоте.


Бод му е потребен на Охрид, за да се врати во елитата по цели 17 години. “Рибарите“ сакаат со победа да се и заблагодарат на својата публика, но и на охриѓани кои во текот на целиот шампионат беа со тимот.

– Сакаме со победа ја заокружиме сезоната. Се` што имаме да кажеме ќе кажеме на теренот во недела, велат фудбалерите на Охрид.

М.П.