Тројца театарски работници од Македонија кои деновиве учествувале на семинар во Исланд не можат да се вратат дома поради актуелната состојба во авиосообраќајот. Меѓу нив е и Софија Ристевска, режисерката на театарската претстава „Граница“ која во саботата вечер беше одиграна во Центарот за култура во Охрид, со што беше означен почетокот на иницијативата за возобновување на професионалниот театар.
Со Ристевска на Исланд заглавени се и нејзините колеги Македонка Илиевска и Златко Митрески.
Ситуацијата на нашите театарски работници е непријатна бидејќи на Исланд нема македонска амбасада, ниту конзуларно претставништво, па така нивна главна логистика им се колегите од Македонија кои преку свои линкови издејствувале тие привремено да бидат сместени до стабилизирање на состојбата во авиосообраќајот која настана по ерупцијата на вулкан на Исланд. Се очекува тие да ја напуштат островската земја во текот на оваа недела.
OhridNews
