Регистрирани нови 17 случаи на Ковид 19 во Охрид

Согласно податоците од Институтот за јавно здравје во последните 24 часа се направени 2596 тестирања, при што се регистрирани 367 нови случаи со Ковид-19. Во исто време, пријавени се пет починати пациенти, а оздравени се 202 лица.

Од вкупниот број новорегистрирани болни од Ковид-19 до Скопје се 167, Прилеп – 37, Кавадарци – 33, Охрид – 17, Велес – 15, Куманово и Тетово – по 14, Гостивар и Неготино – по 12, Штип и Гевгелија – по 7, Битола – 6, Струга и Кратово по – 4, Струмица и Ресен – по 3, Кочани, Делчево, Пробиштип и Крушево – по 2, Кичево, Крива Паланка, Берово и Валандово – по 1.

Од петмината починати пациенти, двајца се од Скопје (91г и 83г) и по еден смртен случај е пријавен од Гостивар (77г), Крива Паланка (40г) и Демир Хисар (65г). Сите пациенти се починати во болнички услови, соопшти Министерството за здравство.

Во моментов во Охрид има 369 активни случаи, а во Струга 163.

OhridNews