Во седиштето на ЕХФ во Виена извлечени се осминафиналните двојки во ракометната Лига на шампиони. Единствен македонски играч во елитното натпреварување е капитенот на репрезентацијата Кире Лазаров, член на Сиудад Реал.
Европскиот вицепрвак Сиудад Реал и трикратен освојувач на Лигата на шампиони, екипа за која настапува Лазаров за противник го доби францускиот Шамбери. На првиот натпревар домаќин ќе биде Шамбери.
Бранителот на трофејот германскиот Кил во осминафиналето ќе игра против Колдинг. Ланските учесници на завршниот турнир Барселона и Чеховски Медведи за противници ги добија Веспрем, односно Босна.
Останатите двојки ги формираа: Шафхаузен-Монпеље, Сегед-Фленсбург, Загреб-Рајн Некар и Хамбург-Ваљадолид.
Првите осминафинални натпревари во Лигата на шампиони ќе се одиграат на 26 март, реваншите се една недела подоцна
