Реал Мадрид се намачи да ја победи Осасуна со гол во претпоследната минута, додека лидерот Барселона, по елиминацијата од ЛШ, се истури врз Виљареал. На три кола пред крајот избраниците на Гвардиола имаат бод повеќе но и потежок распоред однос на предизвикувачот Реал.

– Тешко беше ментално да се вратиме после елиминацијата од Лигата на
Шампионите, но ние завршивме добра работа и треба да продолжиме на
истиот начин.Тенерифе е тежок противник кој се бори за опстанок. Не смееме да си дозволиме неуспех. – истакна играчот за големи натпревари Педро.

Тренерот на Реал Мадрид, Мануел Пелегрини призна дека неговиот тим имал голема среќа при синоќашната поебда од 3-2 против Осасуна, но не не ја пропушти можноста да ја пофали првата звезда во клубот , Роналдо.

– Роналдо е фудбалер кој што може да направи разлика и се радувам што еден таков играч игра за мојот тим, целиот тим покажа дека е доста силен на психолошки план -истакна Пелегрини.

Видео : “ CR 9 “ го остави Реал во трката за круната во “Примера“

Распоред до крајот на првенството:

36 коло Мајорка – Реал Мадрид  ; Барселона – Тенерифе 
37 коло Реал Мадрид – Атлетик Билбао ; Севиља – Барселона
38 коло Малага – Реал Мадрид ; Барселона – Ваљадолид

Ohridnews