Соработката помеѓу РЦСОО „Ванчо Питошески“-Охрид и Економско трговачко школо- Бор, Р. Србија која започна преку проектот „Bridge connecting two lakes“, во ноември во Бор, продолжи во Охрид, со срдечно добредојде на гостите од Бор и денови исполнети во дружење.
Проектот е координиран од Даница Скрческа, Валентина Поповиќ, Сања Митаноска и Елена Спасиќ Митрановиќ.
Гостите имаа можност да се запознаат со Национланиот парк Галичица, историјата, културата и традицијата во Охрид, преку посета на бројни кулутно-историски споменици, но и со старите занаети, гастрономското наследство, како и природните убавини. Организирана беше и работилници во соработка со Младинскиот Центар Охрид. Како траен знак на пријателство и соработка беше засадено дрво од праска, информираат координаторите.
Воедно, изразуваат благодарност за соработката со директорот Тони Андрески, стручните професори Силви Мешкоска, Милена Илијевска, Катерина Џамбазовска, Васил Талевски, Елена Спировска, НУ Завод и Музеј Охрид, Национален парк Галичица и Младински Центар-Охрид, со чија помош успешно биле реализирани активностите.
Инаку, проектот е финансиран од ЕУ и организиран од Регионалната канцеларија за младинска соработка Ryco Super Schools и Германска канцеларија за меѓународна соработка GIZ.
OhridNews
