Разгледница која била испратена пред речиси 70 години од американскиот град Рокфорд, конечно пристигнала до својата дестинација во Њујорк. Разгледницата била испратена на 4 јули 1943 година од Рокфорд, Илиноис, до сестрите Полин и Тереза Лејсенринг во Њујорк.
Нивниот брат Џорџ бил стациониран во медицинскиот центар во кампот Грант во Рокфорд за време на Втората светска војна. Разгледницата ја испратиле неговите родители кои таму го посетиле. Во разгледницата пишувало: „Драга Полин и Тереза. Стигнавме безбедно, патот беше добар. Ние сме добро и уморно“. Локалните медиуми пренеле дека разгледницата стигнала минатата седмица, но и дека во куќата сега живеело друго семејство.
