Индиската музичка легенда, хуманист и филозоф Рави Шанкар е годинешен добитник на наградата за хуманизам што ја доделуваат Охридската академија на хуманизмот и Универзитетот за аудиовизулени уметности ЕСРА. Оваа одлука беше официјално соопштена денеска, во рамките на манифестацијата Водици, а наградата се очекува да биде доделена во август кога се одбележува Денот на Свети Климент и Пантелејмон, познат како Свети Климент – летен.
Годинешниот добитник ќе биде прогласен и за почесен доктор на универзитетот за аудиовизуелни уметности ЕСРА Париз – Скопје – Њујорк.
Наградата за хуманизам се доделува од 2007 година на врни личности од светската уметност, според традицијата на Свети Климент Охридски – основоположникот на првата Средновековна школа за хуманизам во Европа.
Прв добитник беше јапонскиот филозоф Даисаку Икеда. Во 2008 година наградата ја доби португалецот Мануел де Оливеира, а лани, наградата му припадна на рускиот писател и нобеловец Александар Солженицин.
Ohridnews
