Расте нивото на реките

Со зголемувањето на температурите и топењето на снегот и дождливото време, расте нивото на реките во охридско. Нивото на реката Гршница деновиве забележително е над вообиченото, за „рекичето“ на кое навикнале жителите во местата каде тоа поминува.

Зголемивањето на нивото на Грашница најзабележително е кај мостот на бул. „Туристичка“, каде од неодамна од јужната страна е поставен цевковод за зафаќање на водите од овој, инаку голем загадувач на езерото.

Граѓаните гласно размислуваат дали можеби усмерувањето на водат во цевките го намалува протокот на Грашница, поради што расте нивото на реката во долниот слив или тоа се случува заради топењето на снегот на планините и дождливото време.

^{Расте нивото на реките}

Пролетните дождови и поинтензивно топење на снегот допрва не очекува, па оттаму граѓаните се загрижени од зголемувањето на водостојот на реката Грашница и бараат надлежните служби да го испитаат евентуалното влијание на ново поставениот цевковод по течението на реката на хидролошката состојба во останатиот нејзин тек.