Вчера околу 8 часот во местото викано „Девојкина вода“ во атарот на с.Јабланица-Струга, на бачилото сопственост на Е.Л.(1980) од Дебар, настанала расправија помеѓу него и К.Н.(1961) од с.Боровец-Струга.
Причина за расправијата било тоа што овчарските кучиња на Е.Л. го искасале загарот на К.Н.. Во еден момент, К.Н. од ловна пушка „Мособерг“ кал.12мм која ја поседувал со дозвола, испукал два проектили во земјата во близина на Е.Л., по што Е.Л. заминал кон бачилото, а К.Н. се упатил кон с.Јабланица, се уште пукајќи од ловната пушка. Потоа, Е.Л. зел ловна пушка кал.16мм, која неговиот татко И.Л. ја поседувал со дозвола и испукал еден проектил во воздух, со цел да го заплаши К.Н. да не пука по овчарските кучиња. По кажување на Е.Л., К.Н. ранил четири овчарски кучиња. Увид на лице место извршила увидна екипа од ПС-Струга. По целосно расчистување на настанот, против виноввникот за инцидентот ќе биде поднесена кривична пријава, соопшти МВР.
Ohridnews
