Одделението за заштита на животната средина при Општин Охрид, секоја есен распишува еко ликовен и литеаратурен конкурс. Оваа година конкурсот кој се реализира во соработка со основните училишта на територијата на општината е насловен: „ПРИРОДАТА НАШАТА МАЈКА РАСКАЖУВА ТОПЛА ЕСЕНСКА БАЈКА“

Човештвото се соочува со намалување на зелените површини, а овој проект има за цел унапредување на просторот со зеленило и цветни површини со што ќе се овозможи подобрување на квалитетот на воздухот, на квалитетот на живот во градските подрачја и секако унапредување на животната средина, велат организаторите на Конкурсот.

Секоја индивидуа со доволна волја без оглед на возраста може да даде свој придонес во зачувувањето на чиста и здрава животна средина. Од најмали нозе треба да се едуцираме како да штедиме енергија, да ги зачуваме воздухот и водата чисти и да ги штедиме нашите природни ресурси. Затоа секој во својата најблиска околина може да создаде убаво катче исчистено од смет и уредено со зеленило и цвеќиња со што ќе го оплемени просторот, а природата самата во различните годишни времиња ќе создаде прекрасен амбиент. Тоа е темата на годинашниот ликовен и литературен конкурс „ПРИРОДАТА НАШАТА МАЈКА РАСКАЖУВА ТОПЛА ЕСЕНСКА БАЈКА“. – стои во објавата на конкурсот.

Право на учество

  • Право на учество имаат сите деца на возраст од 6 до 14 години, ученици во основните училишта на територијата на Општина Охрид.
  • Доставените литературни и ликовни творби треба да содржат еко порака која ќе одговара со темата на овој конкурс „ПРИРОДАТА НАШАТА МАЈКА РАСКАЖУВА ТОПЛА ЕСЕНСКА БАЈКА“
  • Доставените ликовни творби треба да бидат поезија или проза на зададена тема предмет на овој конкурс.
  • Ликовните дела треба да се цртежи или предмети изработени од рециклажен материјал (колаж, акварел, предмети и украси од пластика и хартија …..)
  • Учесниците на конкурсот се појавуваат под шифра.
  • Право на учество имаат оргинални ликовни и литературни творби кои претходно не се објавувани и не учествувале на други конкурси.
  • Оценувачката комисија нема да ги разгледува оние трудови кои ќе пристигнат по предвидениот рок или не се изработени според условите наведени во конкурсот.
  • Секое дете на овој конкурс треба да учествува со својот наставник – ментор.
  • Секое дете има право да учествува со по еден труд (ликовен или литературен).

Избор

  • Изборот на најдобрите ликовни и литературни творби ќе го изврши жири комисијата за оценување на трудот составена од три члена .
  • Жири комисијата ќе даде оценка за доставените трудови при што за нејзината работа ќе изготви извештај со листа за наградени ученици. Жири комисијата ќе ги објави резултатите од конкурсот најдоцна во рок од 15 дена од последниот рок за предавање на трудовите.
  • За резултатите наградените ученици и училишта ќе бидат писмено известени од страна на жири комисијата, а истите ќе бидат објавени на веб страната на Општина Охрид – www.ohrid.gov.mk

Награди

  • Прво наградените ученици на ликовниот и литературен конкурс добиваат по 7000,00 денари еднократно
  • Второ наградените ученици на ликовниот и литературен конкурс добиваат по 5000,00 денари еднократно
  • Трето наградените ученици на ликовниот и литературен конкурс добиваат по 3000,00 денари еднократно

Вкупниот буџет за реализација на проектот ќе изнесува 30.000,000денари.

Наградените творби остануваат во сопственост на Општина Охрид.

Повеќе информации за еко ликовниот и литеаратурен конкурс ќе најдете на следниот линк.

OhridNews