Холивудскиот заводник Бредли Купер и атрактивната манекенка Суки Вотерхаус ја раскинаа двегодишната врска, пренесуваат странските медиуми. Парот наводно се разделил уште во јануари, пред доделувањето на Оскарите, но на церемонијата се појавиле заедно бидејќи останале во добри односи. Бидејќи никогаш не сакале да зборуваат за својот приватен живот, ни Бредли ни Суки не потврдиле официјално дека се разделиле.
Се чини дека актерот не жали премногу за поранешната, бидејќи во средата бил виден на концерт на Елтон Џон и во ноќен провод во еден клуб во Лос Анџелес. Купер претходно бил во брак со актерката Џенифер Еспозито и во долгогодишни врски со Рене Зелвегер и Зое Салдана, додека Суки пред актерот се забавувала со музичарот Мајлс Кејн.
