По налог на општинскиот инспекторат, екипите на ЈП „Охридски Комуналец“ деновиве извршиле расчистување на речното корито на Велгошка река по нејзиното течение во селото Велгошти. Речното корито било расчистено од дивата вегетација и наносите од натрупан разновиден комунален отпад.
Од Јавното препријатие информираат дека екипите на „Паркови и зеленило“ деновиве во парковските површини низ Охрид засадуваат нови цветни расади, кои ќе ги красат парковите во есенскиот период. Исто така нов цветен расад бил поставен и на двете кружни крстосници на бучевар „Туристичка“.
OhridNews
