По реакцијата на граѓаните дека на поранешниот полигон за Мали спортови се оставени најлонски вреќи и дека целиот простор е претворен во мала депонија, општина Охрид веднаш издаде налог до надлежните од ЈП “Охридски комуналец“ да го исчистат просторот и да го отстранат отпадот.
– Екипите на ЈП “Охридски комуналец“ од утринава беа ангажирани на просторот и го расчистуваа натрупаниот отпад. Бидејќи се работи за приватен имот на местото беа присутни и претставници на општинскиот инспекторат, информираат од локалната самоуправа.
Општина Охрид, уште еднаш им укажува на сопствениците на приватен имот кој од различни причини не е уреден и на него се депонира отпад, самите да го одржуваат, или да склучат договор со општинското комунално претпријатие .Во спротивно, општинскиот инспекторат ќе преземе соодветни мерки, согласно законските прописи.
OhridNews
