Два пара ракавици кои легендарниот Мухамед Али ги носел не мечевите со Сони Листон и Џо Фрејзер биле продадени на аукција за повеќе од 771 илјада долари. Покрај ракавиците продадени биле уште некои предмети кои на крајот достигнале вкупен износ од 1,3 милиони долари, кои биле наменети за фондацијата на Мухамед Али. Еден дел од парите ќе одат за ќерката на Анџело Данди, тренерот на боксерската легенда, на чиј имот била одржана аукцијата, за лекување на мултиплекс склероза.
Првиот пар ракавици е од мечот помеѓу Али, кој тогаш се викал Касиус Клеј и Сони Листон, кој бил одржан во 1964 година. На мечот со Фрејзер кој Али го изгубил на 8 март 1971 година, ги носел другите ракавици. Секој пар од ракавиците вредел повеќе од 385 илјади долари, што е рекордна вредност за некои боксерски реквизити на аукција. Купувачот сакал да остане анонимен.
