Во знак на протест против подмитувањето на даночните службеници, двајца индиски фармери влегле во канцеларијата на даночната управа на северот на земјата и истуриле три торби преполни со змии меѓу вработените. Повеќе од 40 змии, кои биле од различни врсти и со различна големина, предизвикале огромен страв и паника кај вработените, а во тој момент во канцеларијата се неаоѓале и четири смртоносни кобри.
Според зборовите на вработените, змиите биле насекаде, од подот до столовите и масите, а луѓето вриштејќи бегале од канцеларијата. За среќа змиите не каснале никого, а полицајците и шумарите успеале да ги фатат сите змии и да ги одведат од даночната управа. Фармерите за овој чин се правдале со фактот дека даночните работници им барале мито. Полицијата по инцидентот рекла дека еден од двајцата фармери бил познат како тренер на змии.
