Пушачка некултура

Законот за заштита од пушењето полека попушта по „рабовите“. Пушачите се’ почесто наоѓаат начин да го прејдат законот, кој во меѓувреме претрпе измени со кои пушењето е дозволено на терасите од угостителските објекти. Угостителите побрзаа да ги преадаптираат, прошират и зголемат терасите, па така јавните површини се се’ помали. Но проблем има и онаму каде што има услови пушачите да ја задоволат својата потреба. Фотографиите кои можете да ги погледнете се од терасата на х. „Метропол“ каде деновиве се одржа Светската меѓурелигиска конференција. Страсните пушачи кои службено ја следеа или беа ангажирани околу конференцијата иако имаа на располагање пепелници буквалнo на секој ќош ја истакнаа својата “култура“ фрлајќи ги пикавците во жардиниерите. Џабе закони кога немаме во главата.

OhridNews