Јужните делови на Австралија го бележат првиот топлотен бран годинава. Како што пренесува „Гардијан“, во Аделаида температурата во текот на ноќта била 27,4 степени Целзиусови, додека Викторија ја бележи најжешката ноќ во последните четири години.
Во Аделаида уште изутрината температура достигна 38 степени.
Издадени се предупредувања за топлотен бран за Јужна Австралија, Викторија, Тасманија, Нов Јужен Велс и изолирани делови од Западна Австралија. Се очекуваат температури од 8 до 16 степени над просекот.
Додека северно и западно од Мелбурн и Викторија во текот на денот највисоките температури се очекуваат да бидат помеѓу 37 и 41 степен, метеоролозите предвидуваат промена на временските прилики и дожд со налетни на ветерот до 90 километри на час.
Силниот ветер и силните грмотевици може да претставуваат опасност за локалните жители, предупредија локалните синоптичари.
OhridNews
