Стрипот во кој Супермен се појавува за прв пат, во издане на “Action Comics”, бил продаден за 2,6 милиони долари и така станал најскапиот стрип на светот. Почетната цена на аукцијата изнесувала 900 илјади долари, а името на продавачот и купувачот не биле објавени. Се нагаѓа дека стрипот бил во сопственост на актерот Николас Кејџ. Ова е прв пат некој стрип на аукција да ја надмине границата од два милиони долари. Истиот бил објавен во 1938 година и се продавал по цена од 10 центи.
Се претпоставува дека постојат уште 100 примероци од овој стрип, но само неколку од ниб биле во добра состојба. Минатата година примерок на истиот стрип бил продаден за рекордни 1,5 милиони долари, но тој не бил во толку добра состојба како овој. Познавачите во светот на стрипот сметаат дека овој вид вложување станал многу популарен во овие тешки времиња, бидејќи вредноста на ретките колекции била постабилна од вредноста на акциите или недвижностите.
