Актуелниот македонски шампион Прилепска Победа не пристигна на натпреварот под Шара за мечот со Тетовска Шкендија. Последицата за нивното неодоѓање на мечот од 21 коло го објасниле со дефект на автобусот кој требало да ги превезе. При ваквиот развој на настани, бидејќи не станува збор за виша сила , за мечот да се презакаже во наредните 24 часа или во дополнителен термин, тетовци ќе ги освојат бодовите без борба.Дербито на колото пред 5.000 гледачи му припадна Пелистер кој по цела една деценија го совлада скопски Вардар (2-1). Први во водство дојдоа гостите преку Бајевски, битолчани израмнија преку Тодоровски, додека голот за водство и триумф го постигна Елмазовски во 63. минута. Уште една минимална победа на Работнички К, кој се намачи во дуелот со фенерџијата Башкими. Со својот првенец во дресот на лидерот Бобан Јанчевски обезбеди минимална победа од 1-0. Сигурна победа во Кратово извојува Силекс над Цементарница (2-0). Натков од пенал во првото и Дивајк во второто полувреме беа творци во победата на кратовчани. Милано и се реваншираше во иста мера на Македонија ЃП,з а поразот во првиот дел. Убедливи 3-0 за сигурно второ место. Се подалеку од опасната зона е Напредок кој во Кичево пред 2.500 гледачи ја совлада Ренова (3-1).
