Прволигашката пресметка меѓу Вардар и Напредок ќе се игра во Куманово. Санацијата на тревната подлога на националната арена „Филип Втори“, го примора актуелниот првак и лидер Вардар на ваква одлука.
Поради суспензијата на Вардар од два натпревари играње пред празни трибини мечот ќе се игра без присуство на публика.
Од клубот велат дека на ваква одлука се одлучиле поради далеку подобрите услови за игра на теренот во Куманово, наспроти оние во Маџари и Ѓорче.
Напредок го одби барањето на Вардар мечот да се игра еден ден порано во сабота, па така тој ќе се игра во стандардниот термин недела од 13 часот.
ohridnews
