Лидерот на табелата во Првата лига, Вардар прокнижи нови три бодови победувајќи го тимот на Македонија Ѓорче Петров (4-0) додека Шкендија освои само бод против Брегалница ремизирајќи 1-1.
Скопските „црвено црни“ резултатот го отворија во 38-та минута со голот на Грнчаров. Од 73-та до 85-та минута „вардарци“ преку Балотели, Николов и Глигоров ја погодија мрежата уште три пати за сигурен триумф.
Фудбалерите на Шкендија после голот во 7-та минута на Тодоровски долго време имаа водство, но не успеаја да го задржат. Одбраната на тетовчани попушти во 77-та минута кога Велинов ги изедначи бројките на семафорот и го постави конечниот резултат.
Резултати: Македонија ЃП – Вардар 0-4, Брегалница – Шкендија 1-1, Ренова – Пелистер 2-0, Победа – Шкупи 2-1, Работнички – Силекс 3-1.
Табела: Вардар 13, Работнички 12, Пелистер 10, Ренова 8, Силекс 7, Шкендија 7 (-1), Победа 3, Шкупи 2 (-1), Македонија ЃП 2, Брегалница 2.
Фото: Екипа.мк
OhridNews
