Дербито беше одлучено во вториот дел со головите на Шпанецот Хименез и најдобриот стрелец во лигата Јован Костовски.
Тетовските “црвено-црни“ со пресврт го совладаа Пелистер, кој поведе со голот на Главески на стартот на мечот. До крајот на првиот дел Положани, Неџипи и Ејупи ја тресеа мрежата на битолчани.
Металург уште еднаш потфрли пред своите гледачи ремизирајќи 1-1 со претпоследниот Силекс. На ремито му кумуваше и црвениот картон на Далчески во 38 минута од мечот.
Напредок ја победи Ренова со 2-0 благодарение на головите на Балажи и Вренцоски. Брегалница по втор пат сезонава ја совлада Дрита, овој пат со 3-0.
Eдинствениот меч без голови го одиграа Турново и Тетекс 0-0. Гостите во последните минути од мечот имаа играч повеќе по исклучувањето на голманот на домашните Димоски, но не успеаа да профитираат.
Резултати:
| Х. Турново | – Тетекс | 0-0 |
| Работнички | – Вардар | 0-2 |
| Шкендија | – Пелистер | 3-1 |
| Металург | – Силекс | 1-1 |
| Напредок | – Ренова | 2-0 |
| Брегалница | – Дрита | 3-0 |
Табела : Вардар 24, Шкендија 24, Хоризонт 23, ……
