Иако се големи и лути ривали сепак од ремито на Пелистер против Хоризонт Турново 2-2 најмногу профитираше лидерот на табелата во Првата лига, Вардар. “Црвено црните“ на врвот по 22-та рунда имаат пет бодови предност пред второпласираниот Турново.

Избраниците на охридскиот стратег Драган Бочески претрпеа неочекуван пораз 1-0 од “фенерџијата“ на табелата Тетекс. Стрелец на победничкиот гол за “штофарите“ беше Мирослав Јованоски во првиот дел.

На останатите натпревари Металург ја совлада Дрита со 2-1 додека Шкендија во неизвесен меч со 3-2 славеше триумф во Кратово против Силекс.

Резултати : Вардар – Брегалница 3-0, Ренова – Работнички 3-1, Тетекс – Напредок 1-0, Силекс – Шкендија 2-3, Дрита – Металург 1-2.

Табела : Вардар 45 бодови, Турново 40, Металург 38, Напредок 35, Шкендија 35, Ренова 31, Работнички 30, Брегалница 28, Пелистер 24, Дрита 24, Силекс 18, Тетекс 16.

Мх.П.