Со мечевите од 18. рунда заврши есенската етапа во Првата македонска фудбалска лига. Зимата на врвот ќе ja дочека екипата на тетовска Шкендија кој собра 35 бода.
Шкендија на последниот натпревар кај Турново славеше минимално со 1-0, благодарение на голот на новопечениот репрезентативец Хасани. На второто место се зацврстија “гипсарите“ кои во тетовската пресметка беа подобри од куп освојувачот Тетекс со 2-1. Емрулаи и Али погодија за Ренова, додека почесниот гол беше дело на Захариевски. Со истиот резултат Вардар го победи Напредок. Настевски и Трипуновски стрелаа прецизно за “црвено-црните“, а поразот го ублажи Најдовски.
Дури девет гола беа постигнати во Битола на мечот меѓу Пелистер и Скопје. “Чкембарите“ се радуваа на победа откако со 5-4 ги совладаа “пиратите“, четирите гола на репрезентативецот Кировски не беа доволни скопјани да го избегнат поразот. Магловски, Талевски, на два пати Вељановски и Настески погодија за Пелистер.
Металург претпре минимален пораз од Работнчки, додека Силекс со 3-1 ја совлада Брегалница.
Резултати: Пелистер – Скопје 5-4, Вардар – Напредок 2-1, Ренова – Тетекс 2-1, Х.Турново – Шкендија 0-1, Силекс – Брегалница 3-1, Металург – Работнички 0-1.
Табела : Шкендија 35 , Ренова 34, Работнички 32, Х.Турново 29, Металург 29, Тетекс 24, Напредок 24,Силекс 24, Скопје 22, Брегалница 22, Вардар 13, Пелистер 11.
Наредното коло се игра на 5 март.
Ohridnews
