“ Штом дозволат временските услови ќе се спроведе прскањето против комарци. Не може тоа да се направи кога е врнежливо времето, бидејќи во тој случај прскањето не би вродило со резултат. Според најавите, од понеделник не очекува стабилно и сончево време. Штом се подобрат временските услови, ние како Локална самоуправа веднаш ќе го реализираме планираното прскање”, вака градоначалникот Александар Петрески одговори на обвинувањата од Регионалниот центар за здравје дека доцни дезинсекцијата.-Прскањето против комарци се спроведува во три фази. Сега е доцна за првите две фази кога комарците се во форма на ларва и млад комарец и сега ќе биде многу тешко да се постигне посакуваниот ефект, во повеќе наврати потенцираше Атанаско Михаилов, директор на Центарот за јавно здравје во Охрид.
Кон средината на месец јуни, Локалната самоуправа информираше дека прскањето против комарци доцни поради законската обрска да се распише тендер за најповолен понудувач кој би го извршил прскањето и дека тоа се врши по скратена постапка .
Првичните најави беа дека прскањето ќе се спроведе кон крајот на мај.
Ohridnews
