Нема непознати противници за Македонија во Б групата од квалификациите за ЕП 2012 година во Украина и Полска.
Вторпат „црвено-жолтите“ ќе играат против носителот во Б-групата, Русија, која во квалификациите за ЕП-2008 двапати славеше со 2-0 и 3-0.
Три победи и едно реми е во корист на Словачка (2-0, 5-0, 2-0 и 1-1) во квалификациите за СП 2002 и ЕП 2004.
Р. Ирска и Македонија се со еднаков резултат од по две победи и два пораза. Македонија двапати победуваше дома 3-2 и 1-0 (квалификации за ЕП-98 и ЕП-2000), а загуби на гостувањето во Даблин 0-3 и 0-1.
Против Ерменија имаме две победи, реми и пораз (2-2 и 1-2 за ЕП ‘96 и 3-0 и 2-1 за СП 2006).
Андора со победата и ремито (0-1 и 0-0) во квалификациите за ЕП 2006 ја стресе македонската репрезентација, која во наредниот циклус за ЕП 2008 го наплати долгот на двапати со победа од по 3-0.
