Просечната исплатена нето плата, по вработен во мај во Македонија, изнесувала 20. 798 денари (338 евра), што е за 349 денари повеќе во споредба со претходниот месец.
Ова го објави Државниот завод за статистика, додавајќи дека во споредба со истиот месец лани, просечната плата пораснала за 3,4 отсто.
Ваквото зголемување пред се е резултат, на зголемувањето на просечната месечна исплатена нето-плата во секторите: Рударство и вадење на камен, Образованието и Преработувачка индустрија.
Најголем пораст на просечната месечна исплатена нето-плата по вработен, во однос на претходниот месец, е забележан во секторите: Сообраќај, складирање и врски (9,7 отсто), Рударство и вадење на камен (7,5 отсто) и Хотели и ресторани (5,3 отсто).
Просечната месечна исплатена бруто-плата по вработен во мај 2010 изнесува 30. 598 денари, што е за 517 денари повеќе во однос на претходниот месец.
Во мај 2010 година, 4,4 отсто од вработените во Република Македонија не зеле плата.
