Со пленарна седница на Меѓународниот славистички комитет, на која беа усвоени завршните заклучоци, синоќа во Охрид заврши XIV Светски славистички конгрес. На седницата на идниот организатор на конгресот, Белорусија, и беше врачена диплома. Исто така беа промовирани поштенска марка и коверт со мотиви од охридскиот конгрес, а учесниците од македонскиот сликар Живко Попоски на подарок добија по едно уметничко цвеќе на мирот.
Промовирани поштенска марка и коверт од Светскиот славистички конгрес во Охрид
Постконгресно, македонските слависти на свеченост што ќе се одржи во Битола на американскиот славист Виктор Фридман ќе му врачат одликување „Духовен воин за македонската кауза“, за неговиот придонес во афирмацијата на македонската држава, наука и култура.
На Светскиот славистички конгрес во Охрид учествуваа 750 слависти од 42 држави.
Ohridnews
