Во дворот на храмот Св. Никола во Вевчани, вчеравечер, се одржа промоција на првиот видео запис на Оркестарот со зурли и тапани „Вевчани“.
Видео записот е снимен на неколку атрактивни локации во Вевчани, но пред се се става акцент на Вевчанските извори. Спотот е снимен во висока резолуција со употреба на најсовремена опрема од страна на „Шпанец“ продукција од Охрид. Оркестарот изразува благодарност и до членовите на КУД „Дримкол“ од Вевчани кои учествуваа во драматизацијата на видео записот.
Оркестарот со зурли и тапани „Вевчани“, е формиран во 2001 година, како оркестар составен од две зурли и два тапани, и до ден денес, веќе осумнаесет години опстојува, ја негува, обработува и промовира изворната музика наменета за овој вид инструменти.
Фото галерија:
OhridNews
