Промоцијата на новиот студиски матерјал на култниот македонски музички состав „Леб и Сол“, наместо на Долни Сарај како што првично беше предвидено, ќе се одржи во Центарот за култура соопшти организаторот.
До промена на местото на настапот на Леб и Сол доаѓа поради лошите временски услови и најавата дека вечерва над Охрид ќе биде врнежливо. Леб и Сол инаку настапуваат во рамки на офф програмата на фестивалот Охридско лето. Концертот во Центарот за култура започнува во 22 часот.
Претходно од 21 ч. во катедралната црква Св. Софија ќе настапи Ана Виницкаја, пијано, Русија, победник на натпреварот Чајковски.
ohridnews
